ငါ့ဆီ မကြာ ခဏ ပေါက်ရောက်လာကြ တဲ့ နွေရာသီတွေ အကြောင်း

ပြတင်းတံခါးရဲ့  ယင်းလိပ်က ကိ်ျုး ပဲ့ပဲ့

ရိတ်ပြီးခါစ စိမ်းရွှင်ရွှင် မြက်ပေါက်ရိုင်းတွေ လည်း ပျံ့ နေ လွင့်နေ

ပူပြင်း ချစ်တောက် နေ့ လယ်ခေါင်တစ်ခုမှာ

ငါတော့ နင့်ကိုပဲ သတိရနေပါတယ်.. မီးကျီ

ငါ နင့်ကို သတိရတော့

ငါ အိမ်ကို သတိရ ပါတယ်..

ငါ အိမ်ကို သတိရတော့

ကော်ဖီနံ့  ကရမက် နဲ့  သစ်သားလှေခါးအို ကိုသတိရတယ်

ဒီမှာဘက်ကို သတိရတော့

ဟိုမှာဘက်ကို သတိရ ပြန်တယ်

ဒီလိုနဲ့  ငါရှည်ရှည်ဝေးဝေး သတိရနေမ်ိတယ်…။

ငါကိုယ်တိုင်ရဲ့ အရိပ်အရောင်တွေ

ဒီပူလောင်လောင် နွေ အခန်းထဲက ပုံပျက်ပန်းပျက် အိပ်ယာပေါ်မှာ

အနားမှာ… ရှေ့ မှာ… နောက်မှာ

လူးလာတုံ့ ခေါက်…

ငါဟာ သေးသွားလိုက် ကြီးလာလိုက် ဖောင်းနေလိုက် ပိန်နေလိုက်

ကျူ့ံလိုက် ကားလိုက် လျော့လိုက် ပွားလိုက်…

နွေရာသီပေါင်း အချီချီ

မေ့မလိုလိုနဲ့ မမေ့တဲ့ နွေရာသီတွေချည်းပါ..။

အကောင်အထည် ဆုပ်ကိုင်မပြနိုင်ပေမယ့်လို့ သောကဆိုတာ..

ရင်ကိုရော ကျောကိုရော မျက်စိကိုရော နားကိုရော …

ခေါင်းရော ကိုယ်ရော ခြေရော လက်ရော ပါးစပ်ရော…

အကုန်သိမ်း ဆော် တာချည်းပဲ…

သက်သေ မထင်ကျန်ခဲ့လို့  နင်မယုံဘူးမဟုတ်လား မီးကျီ…

သက်သေ မရှိတဲ့အခါ ပိုလောင်မြိုက်ရတယ်

ခြေမကိုင်မိ လက်မကိုင်မိနဲ့  နေပြင်းပြင်းအောက် ပြာပုံပေါ် တစ်ကောင်တည်းလျှောက်ရတဲ့ သောကပါ..။

နင့်ကို ငါ ကဗျာတစ်ပုဒ် ရွတ်ပြပါမယ် မီးကျီ..

“မကြာခဏ ကမ္ဘာမြေကို မှန်းဆကြည့်မိတယ်…” တဲ့***

“မကြာခဏ ကမ္ဘာမြေကို မှန်းဆကြည့်မိတယ်

ကျွန်တော်တို့  တတွေ ဖြစ်တည်လာကြတဲ့ အက်တမ်တွေရဲ့ မျက်လုံးက တဆင့်ပေ့ါ..

အက်တမ်တွေ ဆန်းပါပေ့

အက်တမ်တွေ နေရာတကာမှာ..

ကျွန်တော်မရှိ ခင်ဗျားမရှိ သဘောတရားဆိုတာမရှိ

အစမရှိ အလယ်မရှိ အဆုံးမရှိ…

တရုတ် ဒဏ္ဍာရီထဲက ငှက်တွေလို…

တောင်ပံ တစ်ဖက်တည်းစီနဲ့  ထူးဆန်းအံ့ဖွယ်ရာ အကောင်ပေါက်ကြလို့ 

ခင်ဗျားနဲ့  ကျွန်တော်.. မိုးမြင့်မှာအတူတကွ ပျံသန်းရင်း

တစ်ဦး နဲ့ တစ်ဦး အိမ်ကိုပြန်ဖို့ ကူညီကြလို့  ပေါ့….”

ဒီနွေရာသီ ငါတို့  အိမ်မပြန်နိုင်သေး ပေမယ့်..

နင့်တောင်ပံတစ်ဖက် ခတ်သံရယ်… ငါ့တောင်ပံတစ်ဖက် ခတ်သံရယ်..

ကမ္ဘာမြေပေါ် တဖျတ်ဖျတ် အသံပေးရင်း..

မီးကျီ..

ဒီနွေရာသီကုန်တော့မယ်တဲ့..

အဲဒါ ငါသိနေတယ်…။

***အမေရိကန် ကဗျာဆရာ Dan Gerber ရေးဖွဲ့ သော ကဗျာ Often I Imagine the Earth